متردد ليه انا مش عارف

من طرف mena tallah samy 29/8/2010, 17:30

السلام عليكم ورحمة الله وبركاته
متردده اقول ازيكم ولا ؟؟

بحبها وعايزها تكون زوجة ليا بس اخاف اقولها ترفضنى
ده حلمى وعايز احققه بس خايف افشل
ديه فكرتى وعايز انفذها بس خايف مش تكمل
ديه حاجتى واتسرقت منى بس خايف مش ارجعه
ده حقى بس خايف اتكلم يجرالى حاجة
عايز اسامح بس خايف يفتكرونى ضعيف
عايز اتوب بس خايف ان ربنا مش يقبل التوبة
خايف خايف خايف ................

متردد ليه انا مش عارف مش ده اللى بيتقال داايما وده اللى كلنا بنشوفه ونحسه
فى ناس بقى بتبقى عايشه كل حياتها متردده للاسف
وفى الاخر بيموته وهم مش عملوا اى حاجة فى حياتهم من التردد

بتحبها قولها احسن ما ضيع منك بسبب التردد بتاعك ده
يعنى مثلا هنا انكل اللى بيحب ده بيحبها اووى وهى كمان بتحبه يوووووووو طيب ايه المشكله المشكله بقى ان انكل ده متردد طيب ياابن الحلال قولها ماهو مش ينفع هى اللى تقولك .........حتى لو كانت مش بتحبك فيها ايه لما تحاوول ممكن تنجح وممكن تفشل
لا وبعد ماضيع منه يقول ده انا كنت بحبها لا حول ولا قوة الا بالله
انت ايه رايك تفشل من غير ماتحاول ولا تحاول ويمكن تنجح وممكن تفشل ؟؟؟؟؟

حلمك عايزه حاول تجيبه احسن ماتفشل من غير ماتحاول وبلاش التردد بتاعك ده
وهنا بقى الشلل الخمااسى ....... حلمك قدامك حاول توصله ايه المشكله هتفشل مرة حاول مرة كمان هتجيبه هتجيبه مش ده حلمك ولا يمكن حلم اللى جنمبك Very Happy

ده كان حلمى وضاااع ماهو انت عشان مش حاولت

فكرتك عايز تنفذها حاول ........ تكمل مش تكمل المهم تحااول
فكرتك هتتنفذ لو انت عايزها تتنفذ بس حاول احسن ماتبقى اساسا من غير فكر من غير ماتحاول تكووون
ديه نفس فكرتى بس ضاعت وحد غيرى نفذها برضه عشان مش حاولت

حقككككككككك خايف تتكلم يبقى كمان بقى اقطع لسانك
مااصل انت لو مش حاولت يبقى ايه فايدة اللسان والتفكير ولو مش حاولت هتموت اصل ده حقك ولما تسكت عن حقك هتموت غيظااا
ومتهيالى ان الموت ارحم من انك تسكت عن حقك
ده حقى بس ضاع ماهو عشان انت اخررررس

عايز اسمح طيب ماتسامح
انت بتسامح عشان ربك ولا عشان الناس ......... ماهو انت لو مش سامحت مش فى حد هيسامحك وهتخسر فى الاخر ....اللى شايف انك لما تسامح هتكون ضعيف يبقى يخبط دماغه فى الحيط ..... التسامح عمره ماكان ضععععععف لا ده قوووة
كنت هسامح بس موت ماهو عشان انت اترددت فى التسامح

عايز اتوووب بس خايف ربنا مش يقبل
الجمله ديه سمعتها من ناس كتير اووى وكنت بضاايق اووى لما بسمعها لان ربنا غفور رحيم
طيب حتى لو ربنا مش هيقبل وطبعا مش ده الحقيقى ربنا كبير وبيقبل اى عااصى يتوب ........ ماهو انت لو مش توبت هتموت عااصى حتى مش حاوول
كنت هتوب بس مش لحقت وده بقى اكبر ضيااااع

ها ايه رايكم فى التردد ؟؟؟
بيوقف الانسان عن حاجات كتير اووى فى حياته
فى ناس عاشت حياتها كلها فى تردد وخوف وماتوا وهم مش محققين اى حاجة
بلاش تردد بقى

هاا لسه فى حد متردد ؟؟؟؟؟ ياريت مش يكون فيه
انا بقى مترددة اقفل النوت وكفايه كده ولا هههههههههههههههههههه
ربنا يحقق ليكم كل احلامكم

من طرف زائر 29/8/2010, 18:12

موضوع مهم جدا يا منة ... التردد ياما بيقتل أحلام وبيضيعها ..

هو الإنسان المفروض يحسبها كويس

لكن طالما قرر يبقى المفروض لا يتردد

حتى لو قراره كان غلط هو اكيد هايتعلم

أشكرك على هذه الاضافة الرائعة والمفيدة

متردد ليه انا مش عارف

متردد ليه انا مش عارف

رد: متردد ليه انا مش عارف