كلمات على جدار الحب

من طرف **Admin** 11/11/2015, 21:55

دقات كتيير ..إحساس جميل

وساعات أكتر ..مليانة تفكير

وحنين وشوق..مالي القلوب

وحبيب غايب ..لكن موجود

موجود في عقلك..وكمان في قلبك

…..

فاكر أنت لحظة حبك؟؟

فاكر لما حبيت من قلبك؟؟

ومازال حبك هو أملك

هو حزنك..هو جرحك

هـــو..فـــــــــرحــــــك

هو كده على طول ملاااحقك

مهما رُحت ومهما جيت

مهما عرفت ولفيت

مهما تُهت وحبيت

داااايما تقول…حنييييت

فاكر؟؟

فاكر أحلى كلمة سمعتها؟؟

أصدق إحساس حسيته منها

لما قولتـــلها بحــــبـــــــــــك

قالتك:أه في إحساس جميل

وإيه بعدها؟ …طب إيه قبلها؟

يعني من إمتى كده وأنت لسه بتحبها؟

من شهور أو سنين؟؟

المهم إن الآنين .. زاد معايا حبتين

قلت لازم أقولها وأوصفلها

عن حبي لها

واشمعنى هي اختارتها!!

يمكن عشان طيبة قلبها!

ولا عشان صدقها أو شكلها!

…..

مش أي حاجة من اللي قولتها

هي كده ..كلها تركيبة على بعضها

ماينفعش تفصل حاجة لوحدها

…

وأنتِ حسيتي بإيه أول ماحبتيه؟؟

طب وليه بتبعديه؟؟

حسيت إحساس جميل

صادق بريء

بس التفكير مرجحني كتير

ياترى هو اللي بحلم بيه؟؟

اللي هكمل معاه حياتي؟؟

اللي فيه مواصفاتي؟؟

حب وحنية وتقدير

وحاجات تانية حلووة كتيير

…

أهم حاجة في التفكير

أهم حاجة في التفكير

هل هقدر أسعده؟؟

يعني لما يكون تعبان ..أريحه

وأما يكون زعلان..أحس بيه..أفرحه

وفي كل الحالات أقدره

ولا عــــاااااوزة …أغـــيررررره

أخده من الدنيا …وأشفررره

!!!!

هو بردو تركيبة على بعضها

يا تقـــبليها..يا تبــعدي عنها

==============
كلمات : سارة المنسى